انگلینڈ کے سابق کپتان مائیکل ایتھرٹن نے ورلڈ کپ میں پاک بھارت میچ کے نتیجے سے متعلق پیش گوئی کر دی۔مائیکل ایتھرٹن کا کہنا ہے کہ پاکستان ورلڈ کپ کی تاریخ میں پہلی بار بھارت کو شکست دے گا، ایسا لگ رہا ہے کہ پاکستان بھارت کو ہرا دے گا۔سابق انگلش کرکٹر کا کہنا ہے کہ پاک بھارت میچ ورلڈ کپ کا سب سے بڑا میچ ہو گا اور سیمی فائنل یا فائنل میں دونوں ٹیمیں دوبارہ ٹکرائیں تو وہ بھی بڑا میچ ہو گا۔مائیکل ایتھرٹن کا کہنا ہے کہ ہو سکتا ہے پاک بھارت میچ میں پاکستان سرپرائز دے۔واضح رہے کہ ورلڈکپ کے7 مقابلوں میں اب تک پاکستان ٹیم کوئی بھی میچ نہیں جیت سکی ہے۔پاکستان اور بھارت کےدرمیا ن میچ 14 اکتوبر کو احمد آباد میں کھیلا جائے گا۔
