سمندری طوفان کوئینو کے باعث تائیوان کے جنوبی حصے میں تیز ہواؤں کے ساتھ بارش جاری ہے۔بین الاقوامی میڈیا کی رپورٹ کے مطابق طوفانی ہواؤں اور بارشوں کے باعث مختلف حادثات میں 190 افراد زخمی ہو گئے۔غیر ملکی خبر ایجنسی کے مطابق تائیوان کی 2 مقامی ایئر لائنز نے اپنی زیادہ تر پروازیں منسوخ کر دی ہیں۔غیر ملکی خبر ایجنسی نے بتایا ہے کہ طوفان آج صبح 4 کیٹگری کی شدت سے جزیرہ نما ہینگ چن سے ٹکرایا تھا۔رپورٹ کے مطابق طوفان نے آبنائے تائیوان سے گزر کر اب چین کا رخ کر لیا ہے۔
