جرمنی کے شہر فرینکفرٹ میں پاکستان جرمن سول فورم جرمنی (Soul Forum) کے زیر اہتمام مرکزی نماز عیدالفطر سال باو ٹیٹوز فورم میں ادا کی گئی، جس میں پاکستانیوں سمیت جرمن، عربی اور مختلف مملکوں کے مسلمانوں نے بڑی تعداد میں شرکت کی۔
فرینکفرٹ اور گرد و نواح میں آباد مسلمان بلخصوص پاکستانی کمیونٹی کے لئے عیدین کی خوشیاں ایک دوسرے کے ساتھ بانٹنے کیلئے پاکستان جرمن پریس کلب کے سینئر ممبر اور سماجی شخصیت شبیر احمد کھوکھر پچھلے کئی سالوں سے اجتماعی نماز عید کا سال باو ٹیٹوز فورم کے بڑے ہال میں اہتمام کر رہے ہیں۔
کوورنا وباء کی پابندیوں کے خاطمے پر جرمنی میں مقیم پاکستانیوں نے دو سال بعد اپنے اہل خانہ کے ساتھ (نارتھ ویسٹ سینٹر) سالباو ٹیٹوز فورم کے بڑے ہال میں نماز عید الفطر ادا کی، اور پاکستان جرمن پریس کلب جرمنی کے سیکرٹری شبیر کھوکھر سمیت انکی ٹیم کی طرف سے دوبارہ عید کی نماز کیلئے ہال میں انتظام کرنے پر بہت سراہا اور پسند کرنے کے ساتھ ساتھ بہت خوشی کا اظہار کیا۔
شرکاء کا کہنا تھا کہ ہال میں آکر عید کی خوشیاں اور رونقیں دوبالا ہو گئی ہیں۔
علامہ محمد صدیق مصطفائی نے رمضان المبارک اور عید الفطر کے حوالے سے تفصیلی خطاب کیا، انہوں نے اپنے خطاب میں اس بات پر زور دیا کہ دیار غیر میں پورے عالم اسلام کو ایک ہو کر اپنے اتحاد کو مظبوط بنانے میں اپنا کردار ادا کرنے کی اشد ضرورت ہے۔
آخر میں عالم اسلام بالخصوص وطن عزیز پاکستان کی سلامتی، ترقی اور خوشحالی کیلئے خصوصی دعا کی گئی۔ علاوہ ازیں انتظامیہ کی طرف سے شرکاء کی پاکستان کے روائتی کھانوں سے تواضع کی گئی
